قصص نساء إفون

فاطمة محمود

فاطمة محمود قائدة مبيعات فى زون1 فرع اسكندرية

ابتديت مع افون من 11 سنة كنت موجودة فى شركة منافسة بعمل طلبية هناك فرشحتنى منسقة ( حميدة ابو المجد ) كلمتنى  عن عضوية افون  و اخدتى فرع اسكندرية و عملت العضوية وفى الحملة التانية فتح لى تنسيق  ومن ساعتها و انا قائدة مبيعات و ترك الشركة الاخرى خالص

ووصل اجمالى اعضائي ل117 عضوو انا حاليا زون سوبر فايز و بحارب على انى اصبح جولد زون سوبر فايز و استمر فى المستوى دة

مرت بظروف كتير و لكن حاولت بقدر امكانى ان احافظ على مستواى

كسبت مع افون الكتير من التحفيزات و التكريمات و سافرت احضر الكتير من المؤتمرات البيعية فى القاهرة

افون كل حياتى هى مصدر دخلى الوحيد

افون غيرت كتير من طباعى الشخصية وخالتنى شخصية قيادية و جزيئة بدل من انطوائية

بحب كل منتجات افون و بستخدم الكتير منها


ليلي ياقوت شحاته

ليلي ياقوت شحاته قائدة مبيعات فى زون1 فرع اسكندرية معى ليسانس حقوق ارمله وعندي 4 اولاد في مراحل تعليميه مختلفه جامعه وثانوي وابتدائي.

بدات قصتي مع افون من اكتر من 21سنه في حمله 7سنه 1996وكان عن طريق ترشيحي بواسطه منسقه من فرع المعادي عن طريق التليفون الارضي ووجدت مني استجابه فوريه حيث كان باقي علي ميعاد زواجي شهر وكنت محتاجه منتجات للاستعمال الشخصي وعند استلام الطلبيه كان في تجمع عائلي ‘شافوا المنتجات وعجبتهم وطلبوا مني ان احضر لهم مثلها علي وجه السرع وبالفعل عملت طلبيه تانيه وعرضت المنتجات علي اصدقائي واصدقاء زوجي واستمريت لمده عام ونصف عضوه نشطه الي ان فتح فرع افون بالاسكندريه وبدات استلم الطلبيه من فرع اسكندريه وقابلتني  مديره لفرع اسكندويه وقتها آستاذه نهي شديد وعرضت عليا فتح تنسيق فرحبت جدا بالفكره وكان هذا في حمله 3سنه 1998 وكانت حمله عيد الام حمله قويه جدا وبالفعل حققت اكتر من التارجت الي كان مطلوب مني بكتير وكنت اعشق تحقيق التارجت كل حمله لاني احب النجاح وشغلي في افون كان ليمنحي ثقه في نفسي وفي قدرتي علي النجاح وتدرجت خلال السنين دي كلها حتي اصبحت زون سوبر فايزر ووصل عدد اعضائي ل 117عضو ورغم مروري بكتير من الظروف الصعبه فيحياتي من وفاه زوجي لمسئوليه 4اطفال الا انني لم اهمل عملي ابدا حيث اصبح دخلي من افون هو الدخل الوحيد لي وساعدتني افون ان لا احتاج الي مساعده اي حد

ودايما كان لي الشرف في تكريمات افون السنويه (نادى الرؤساء)وكنت بكون في منتهي السعاده عند تحقيق التارجت السنوي حتي اشعر بنجاحي وتفوقي واحصل علي التكريم المادي والمعنوي.

  بعشق العمل في افون ودايما بكون عند حسن ظن مديرتي ريهام شاكر زون1

مفيش فرصه بفوتها للحصول علي عضو جديد اعضائي هم اصحابي وعايلتى التانيه وافون مصدر دخلي

 


ريهام شاكر

قصتى مع إفون

انا ريهام شاكر، اتخرجت من  كلية حقوق، و كنت فى وقت الدراسة بالكلية غير اجتماعية  و خجولة جدااا ، و كنت ناقمة جدااا على المصروف و ارغب فى الزيادة باستمرار

فانضميت لإفون كعضوة 1996 فى فرع أغاخان ( كان لسة مافيش فرع فى اسكندرية ) و كنت بأولى كلية

ورشحتنى المنسقة بتاعتى كمنسقة مكتبية بفرع اسكندرية و تم تعيني عند افتتاح فرع اسكندرية 24\8\1997 ثم زون سوبرفايز وكانت دى المسميات لموظفين المبيعات فى الشركة “افون فاملى كوزمتكس

فى سنة 2005 تركت الوظيفة فى افون واكتفيت فقط ان اكون منسقة منزلية و ذلك لعدم رغبة زوجى فى الاستمرار فى الوظيفة و خلانى اشتغل فى الادارة بكلية صيدلية و سنة 2008 هو شخصيا اللى اتحايل عليا ارجع تانى موظفة فى افون بعد ان لاحظ تغييرات فى شخصيتي   “كان بيقولى من ساعة لما سبتي افون وانتى صديتى

“و رجعت افون فى مارس 2008 وأصبحت الشركة تديرها افون العالمية و ليس مجرد توكيل مصرى واصبحت أنا “مديرة منطقة بيعية

:مع إفون اتعلمت حاجات كتير جداا

اتعلمت ازاى يكون عندى استقلال مادى.

اتعلمت ازاى احلم و حقق حلمى.

اخدت تدريبات كتير زودت من مهاراتى الشخصية و البيعية و التجميلية.

اصبحت شخصيتى اجتماعية جدا و بقوم بعمل محاضرات لعدد حضور كبير.

اصبحت شخصيتي قيادية، عندى اكبر فريق فى الشركة من الاعضاء و قادة المبيعات.

عرفت معنى التفوق و المنافسة  و حصلت على شهادات تقديركتير و جوائز كتير و تحفيزات و كسبت رحلتين رحلة لدبي و رحلة لتايلاند من افون.

كل منتجات التجميل اللى بستعملها شخصياً هى من افون سواء برفانات أو منتجات البشرة او الجسم او الشعر او المكياج .. كله من افون


سحر أبو السعود

إزيكم, أنا سحر أبو السعود … عشت في الكويت واتخرجت من كلية تجارة جامعة الكويت. اشتغلت مساعد مدير تنفيذي هناك بس بعد حرب الخليج رجعنا مصر واشتغلت نائب مديرعام في شركة بلجيكية وبعدها خدت أجازة طويلة مدتها 10 سنين بس حسيت بالملل فرجعت للشغل والمرة دي غيرت الكارييرواشتغلت مدرسة لغة إنجليزية في مدرسة لغات 7 سنين ودلوقتي انضممت مؤخرا لفريق “آفون” الرائع.

في فترة الأجازة عملت صفحة على الفيسبوك سمتها “حادق وحلو مع سحر” بشارك فيها وصفاتي وخبرتي في المطابخ المختلفة أصل الطبخ هو هوايتي المفضلة والأكل كمان…عشان كده أنا شيف شاطرة أوعلى الأقل صحابي وأهلي بيقولولي كده.

ابتديت أصور المقادير والخطوات للأطباق اللي بعملها وأنزلها على الصفحة عشان الكل يستفيد. وفي طبق مشهورة بيه اسمه “كبسة” وده طبق سعودي وأكيد هتحبو “الكشري المصري” اللي بعمله. الصفحة دي بعتبرها سجل وصفاتي لحد دلوقتي ..هي دي هوايتي عشان الطبخ فن وأنا بحب الفن وكمان بحب أشتري وأجرب منتجات متنوعة من أدوات تجميل وبرفانات وحتى الملابس وبجرب مطاعم كتيرة وبشارك خبرتي ورأيي فيهم بعد كده مع أهلي وأصحابي.

ومع إني درست تجارة بس ميولي كانت دايما للموضة والديكور والفن ولما جت فرصة العمل في شركة عالمية في مجال الجمال حسيت أنها فرصتي اللي جت على طبق من دهب. شركة آفون؟ مش مصدقة ومع إني عمري ما اشتغلت في مجال المبيعات بس كنت حابة إني أجرب واشتغلت ودرست وبحثت وجمعت معلومات من هنا وهناك ولسة بتعلم. أنا عارفة إني في أول الطريق بس أنا متأكدة إن آفون هتبقى فخورة بأني ضمن فريق الشركة وإني مدير مبيعات منطقة القاهرة الجديدة دلوقتي.  وعد مني إني أنجح وهنجح بإذن الله.

                                               أنا سحر وقريب هينادوني “ميس آفون”!!

                                              شعاري:  “لم يفت الأوان بعد لتحقيق حلمك”.

Social media & sharing icons powered by UltimatelySocial