المواعدة ومراحلها

المواعدة ومراحلها

الموضوع المرة دي كول اوي . المواعدة أو الdate . ناس كتير كانت ممكن تكون نفسها تقرأ حاجة مفيدة في الموضوع دة فخلوني اقولكم ان الdate مراحل بالظبط زي الجواز. اول مراحل في أي علاقة في الغالب بتبدأ بإن احنا في علاقة أو حاجة بتربط بيننا ، لكن بعد حوالي ٦ شهور الدنيا بتتغير طبعا و بتعدي ب٣ مراحل طبقاً لكلام الطب النفسي .

أول مرحلة: بنبدأ نقابل تحديات و نحس ان مش دي العلاقة اللي كننا متوقعينها في الأول خالص أو ان احنا كان طموحنا عالي شوية أو توقعنا كتير أو نحس ان احنا لسة وحدانيين على الرغم من اننا ممكن نكون بنقضي وقت طويل مع بعض ، طب في المرحلة دي لازم نبقى صرحاء مع نفسنا عشان نوصل لحاجة و نعرف ناخد قرار طيب ساعات بنقول عايزين فرصة كمان و ايه المانع ؟ مفيش مشكلة أكيد بس وقتها مانجيش على نفسنا و نتصرف على طبيعتنا و مانخبيش انطباعاتنا ، مش لازم نستنى ٣ سنين أو نستنى إما متجوز عشان نبين اللي مضايقنا.

المرحلة الثانية : بيبدأ هرمون الأوكسيتوسين يقل ” دة هرمون الترابط الزوجي” بيبدأ يقل بين الشهر التاسع و الثامن عشر من علاقتهم . بنبقى اكتر انفتاحاً في العلاقة و يبتدوا يفقدوا الكيمياء مابينهم بسبب الجدال اللي بيحصل على اتفه و اقل الحاجات وبالذات لما حد فيهم يحصله مشكلة صحية أو مادية أو مشاكل من النوع دة، و الطبيعي ان الصعاب هي اللي بتبين مين اللي عايز يكمل و مين لا و دة اللي بيخليهم يبدؤا يتكلموا بجدية اكتر في علاقتهم و هنا التحدي بيكون اننا بنختبر رغبتنا اننا نكمل العلاقة و ندعم الناس اللي بنحبها.

المرحلة الثالثة: و دي اللي بناخد فيها خطوة كبيرة جداً ، بعد سنين من الصدق و الراحة و الحب بييجي قرار الجواز وقتها بنختار إذا كنا هناخد الخطوة أو لا، و هنا التحدي بيكون اننا نعرف إذا كان عندنا الشجاعة الكافية اننا ناخد قرار .بس في كل الأحوال الخطوات دي بتعلمنا حاجات كتير و بنستفيد منها و مننساش ان الصراحة في العلاقة هي سر نجاحها . أتمنى أنكم تكونوا استفدتوا و عرفتوا مراحل الdate و ازاي تتعاملوا معاه.

 

ومتنسوش خليكوا في البيت اليومين دول لحد ما الازمة تخلص علي خير وننزل ونتبسط

#خليك_في_البيت

 

 

 

 

 

 

 

 

 

بتول

https://www.instagram.com/batoul._

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Social media & sharing icons powered by UltimatelySocial