إفون ترو كلر أحمر شفاه مرطب

إفون ترو كلر أحمر شفاه مرطب

هاي بنات ..ازيكوا ..

هكلمكوا انهاردة عن اجمل ليب ستيك استعملته في حياتي ..حاجة كده من الخيال

ليبستيك فيه كل مميزات زبدة الكاكاو ومميزات الليب ستيك زي ما هشرحلكوا دلوقتي

  • الليب ستيك تركيبته جيل لكن خفيفة على الشفايف جدا
  • كريمي جدا لكن من غير شمع او تلزيق
  • روج مرطب للشفايف جدا زي زبدة الكاكاو بالظبط
  • مناسب جدا للشفايف المشققة والجافة وخاصة في الشتاء
  • روج بمظهر لامع شوية زي روجات ماك (Luster finish) من غير ما نتكلف سعر ماك طبعا ههه
  • اما بقة عن الألوان فرائعة ومتنوعة تناسب كل البشرات والاذواق
  • اللون بيجمنت او قوي بعكس زبدة الكاكاو عشان كده بقولكوا انه زبدة كاكاو بس بمميزات الروج
  • بيستمر على الشفايف فترة في حدود من 4-5 ساعات وده طبيعي مع تركيبة كريمية مرطبة لان الهدف الأول الترطيب عكس الروجات المات او ال (Stain ) هدفها الأول ان اللون يستمر أطول فترة ممكنة
  • SPF 15 بمعامل حماية للشمس
  • الغلاف بلاستيكي بس شيك وبيتقفل بسهولة ومحكم

أتمنى تجربوه فعلا لانه هيعجبكم اوي زي ما عجبني …اشوفكوا في ريفيو جديد قريبا

تحياتي

نرمين ناصف

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Social media & sharing icons powered by UltimatelySocial